Hér er ég með uppskrift af einstaklega góðu smjörkremi sem notað var á fermingarköku fyrir dóttur kunningjar konu minnar hér í Kristiansund. Fermingar barnið óskaði sér súkkulaði köku með mjólkursúkkulaði smjörkremi og ferskum jarðarberjum. Bragð samsetningin kom heldur betur vel út og var fermingarbarnið yfir sig hrifin með útkomuna. Kremið er með smá núggat keim, er einstaklega loftkennt og bráðnar í munninum..

Mjólkursúkkulaði smjörkrem

250g  ósaltað smjör, við stofuhita
375g  flórsykur (eða meira fer eftir hversu þykkt þú vilt hafa kremið)
180 g mjólkursúkkulaði, skorið í bita
1/4 bolli rjómi
1/2 tsk vanilludropar

Súkkulaðið brotið niður í litla bita (mæli ekki með að nota súkkulaðidropa, frekar súkkulaði plöturnar) og sett í örbylgjuofna þolna skál.

Hita súkkulaðið varlega í örbylgjuofni, hræra reglulega. Skálin sett til hliðar og súkkulaðinu leyft að kólna.

Um leið og súkkulaðið hefur kólnað er smjörið sett í hrærivéla skál og flórsykurinn sigtaður yfir smjörið. Þeyta smjörið og flórsykurinn vel saman þar til létt og loftkennt.

Mæla rjómann í bolla/skál, hella vanillunni saman við rjómann og hræra vel.

Hrærivélin stillt á lágan hraða. Rjómanum hellt smám saman saman við sjörkremið.

Um leið og rjóminn hefur blandast vel saman við smjörkremið, er brædda súkkulaðinu (sem nú er vel kælt) hellt útí og hrært vel saman við, í ca. 1 mínútur eða þar til allt er blandað samann.

Bæta ef til vill 1/2 bolla aukalega af flórsykri saman við til að fá aðeins þykkara krem.

Einstaklega gott ofan á kökur og muffins.