Eftir massíva grilldaga síðustu vikurnar komumst við skötuhjú að þeirri niðurstöðu að nú tækjum við að minnsta kosti eina viku í „léttur kvöldmatur“ challenge 🙂
Við erum bæði heima þessar vikurnar og getum því dundað okkur saman í eldhúsinu og haft gaman af!

Í dag varð ferskt og gott sumar kjúklingasalat fyrir valinu. Við gerðum heimatilbúna brauðteninga og krökkunum fannst þeir æði!

Ferkst sumar kjúklingasalat fyrir 4

4 kjúklingabringur, skornar í bita og steiktar á pönnu
Fusilli fullkorna pasta, soðið
Kál að eigin vali
1 – 2 paprikur, skornar í strimla
Cherry tómatar, heilir
2 – 3 Nektarínur, skornar í bita (má líka vera annar ávöxtur)
1/2 brauð
Olívu olía
1 hvítlauksgeiri, pressaður

Kjúklingurinn steikur á pönnu og kryddaður að eigin vali (við notuðum cumin og salt)
Pastað soðið eftir leiðbeiningum. Grænmetið og ávextirnir skorið (það sem við á)
Þessu er öllu blandað saman í stóra skál

Brauðið er skorið í hæfilega bita, olíunni og hvítlauknum blandað vel saman (gott að nota töfrasprota)

Brauðið sett í skál (helst með loki) og olíunni helt yfir.. hrist vel saman. Raða brauðteningunum á ofnskúffu klædda bökunarpappír

Kryddað með salti og jurtarkryddi, t.d. steinselju. Við notuðum steinseljua kryddsalt sem kom mjög vel út.

Hitað í 250°c heitum ofni þar til teningarnir hafa náð fallegum gullbrúnum lit

Brauðteningunum bætt útí salatið og borið fram ásamt góðri salat dressingu

Notuðumst við tilbúna salatdressingu, mangó og chilli dressing, nammi namm..

Einfalt og létt á heitum og góðum fimmtudegi