Hér skín sólin ennþá sínu skærasta og hitastigið búið að vera um og yfir 24°c alla vikuna, í dag löbbuðum við af stað á leikskólann rétt eftir klukkan níu og ég var ekki komin heim úr þeim göngutúr fyrr en klukkan fjögur 🙂 svona á þetta að vera!
Já það er nú ekki hægt að kvarta yfir svona dásemdar blíðu og við litli mann erum því búin að vera úti að spóka okkur í blíðunni alla vikuna á meðan hinir fjölskyldu meðlimirnir eru í vinnu, skóla og leikskóla. Svo að seinasta vikan mín í fæðingarorlofinu hefur samanstaðið af sól, hita, ís og fullt af knúsum og kossum frá litla broskallinum mínum, er hægt að vera heppnari! 🙂

Ég er mikil brauðmanneskja og hef prufað fjölmargar uppskriftir! Á tímabili gafst ég upp á að baka gerbrauð þar sem hefunin mistókst í flestum tilfellum.. ég fór þá útí lyftidufts og vínsteinslyftidufts brauðin og komst ég yfir þessa uppskrift. Ég hef bakað það margoft og finnst það eiginlega bara verða betra og betra 🙂
Verð nú að taka það fram að nú hef ég loksins, loksins  „masterað“ gerbrauðs baksturinn og mun því setja inn uppskriftir af góðum gerbrauðum á næstunni.

Einstaklega fljótlegt og gott speltbrauð

4 dl spelt, fínt eða gróft
1 dl graskersfræ
1 dl hörfræ
1 dl sólblómafræ
1 dl tröllahafrar
1 msk vínsteinslyftiduft
1 ½ tsk kúmen
½ tsk salt
2-3 msk hunang
2 ½ dl vatn
1 msk sítrónusafi

Graskersfræ, hörfræ, sólblómafræ og tröllahafrar (átti reyndar ekki tröllahafra og notaði því venulegt haframjöl)
Átti einnig ekki til kúmen svo ég sleppti því í þetta skiptið.

Vínsteinslyftiduft og salt.. öllum þurrefnunum blandað saman

Hunanginu bætt útí (betra að hafa meira en minna)

Sítrónusafinn, einnig hægt að nota tilbúinn sítrónusafa. Sítrónusafanum og vatninu blandað saman við.

Smjörpappír settur ofan í formkökuform og deiginu hellt ofaní

Bakað við 180°c í 35 – 40 mínútur

Eitt af mínu uppáhalds brauði, eitthvað við áferðina sem gerir brauðið svo órúlega gott. Svo er bara að setja uppáhalds áleggið sitt á brauðsneiðina og njóta! Sjálf er ég ekkert að flækja málin og finnst dásamlega gott að hafa áleggið einfalt og  smjör, ostur  og sulta klikkar ekki 🙂

Eigið góða helgi öll sömul