Já núna er aftur kominn sunnudagur og bökunarstuðið á sínum stað!! Það hefur meira og minna rignt hér í dag og hitastigið komið niður í 8°c. Það er spáð sól og hita aftur í komandi viku svo ég get nú ekki annað sagt en að það hafi verið notalegt að hitastigið lækkaði örlítið eftir marga heita og góða daga 🙂

En í dag var skellt í frískandi hnetu og súkkulaðidraum ásamt Dillons köku.
Ef þú ert hrifin af hnetum þá er þessi algjörlega fyrir þig 🙂 Ég set hér inn uppskrifitina af Hnetu og súkkulaðidraumnum
og mun svo setja uppskriftina af Dillons kökunni von bráðar 🙂

Hnetu og Súkkulaðibotn

6 eggjahvítur
300 g flórsykur
375 g heslihnetur, grófhakkaðar
2 msk sítrónusafi
1 msk vanilludropar
150 g súkkulaðidropar

Forhitaofninn við 180°c

Eggjahvíturnar og sítónusafinn þeytt vel saman

Bæta flórsykrinum saman við, lítið í einu og þeyta þar til hræran er þykk og glansandi. Nokkrar mínútur

Bæta vanilludropunum útí og þeyta áfram í eina mínútu

Hökkuðu heslihnetunum og súkkulaðinu blandað varlega saman við með sleikju

Hella hrærunni í 28cm hringform. Baka við 180°c í 30 mínútur

Kæla botninn áður en áfram er haldið

Ofan á botninn..

Þegar botninn hefur kólnað er vanillukremi / vanillubúðing smurt yfir (t.d. dr. oetker búðing)

Hindberja hlaupsykur

1 pk hindberja eða jarðarberja hlaupduft/jello
1 dl hindberja þykkni/djús eða hindberja mauk (má vera annað berja þykkni/djús)

Dreyfa hindberjum yfir kökuna, geta einnig verið önnur ber

Hita 1 dl þykkni/djús og 1 pk hlauduft í potti upp að suðu, taka pottinn af hitanum og pensla yfir berin

Kæla kökuna þar til hún er borin fram

Njótið vel!